ᑲᖏᖅᖠᓂᕐᒥᑦ ᐱᖃᐃᓕᓴᖅᑏᑦ ᑮᓇᐅᔭᓂᒃ ᐱᕈᐃᑎᑦᑎᓇᓱᖏᖢᑎᒃ ᑲᑐᔾᔨᖃᑎᒌᖑᔪᖅ ᐱᐅᓯᒋᐊᖅᑎᑦᑎᓂᕐᒧᑦ ᐱᖃᐃᓕᓴᕐᓂᐅᑉ ᒥᒃᓵᓄᑦ ᒪᓂᒪᑎᑦᑎᓂᕐᒧᑦ ᓄᓇᓕᑉᑎᖕᓂᑦ. ᑲᑐᔾᔨᖃᑎᒌᑦ ᐱᙳᖅᑎᑕᐅᓚᐅᖅᑐᖅ ᕕᕗᐊᕆ 2012-ᒥᑦ ᐆᒻᒪᕆᖕᓂᖃᖅᑐᒥᒃ ᐱᑕᖃᖁᑉᓗᒍ ᓄᓇᓕᖕᒥᑦ-ᐊᐅᓚᑦᑕᐅᔪᒥᒃ ᐱᖃᐃᓕᓴᕐᕕᖕᒥᑦ. ᐊᑭᓕᖅᑐᖅᑕᐅᖏᑦᑐᓂᒃ ᑲᑎᒪᔨᖃᖅᑐᖅ, ᓂᕈᐊᖅᑕᐅᖃᑦᑕᖅᑐᑦ ᐊᕐᕌᒍᑕᒫᑦ ᑲᑎᒪᓂᖃᖅᑎᓪᓗᒋᑦ, ᑐᓂᓯᖃᑦᑕᖅᑐᑦ ᑕᐅᑐᒃᑕᖓᓐᓂᒃ, ᖃᓄᖅᑑᕆᓂᕐᒧᑦ ᓯᕗᓕᐅᖅᑎᐅᓂᕐᒥᒃ ᐊᒪᓗ ᐅᑉᓗᑕᒫᑦ ᐱᔨᑦᑎᕋᐃᓂᕆᔭᑎᒃ ᑲᑐᔾᔨᖃᑎᒌᖑᑉᓗᑎᒃ. ᑲᖏᖅᖠᓂᕐᒥᑦ ᐱᖃᐃᓕᓴᖅᑏᑦ ᒪᓕᒐᑎᒍᑦ ᐃᓕᑕᕆᔭᐅᓯᒪᔪᑦ ᑎᑎᕋᖅᑕᐅᓯᒪᓂᖏᓐᓂᑦ ᓄᓇᕗᑦ ᒐᕙᒪᒃᑯᖏᓐᓂᑦ.
ᑲᑎᒪᔩᑦ
- ᐃᒃᓯᕙᐅᑕᖅ: ᒑᕕᓐ ᒌ
- ᐃᒃᓯᕙᐅᑕᐅᑉ ᑐᒡᓕᖓ: ᐊᕕᓐ ᒨᕆᓴᓐ
- ᑎᑎᕋᖅᑎ: ᕗᐊᑦ ᐅᐃᑦᕆᒡ
ᓄᓇᓕᖕᒥᑦ ᐱᓕᕆᓂᖃᖅᑐᑦ
ᐅᑭᐅᑦ ᖄᖏᖅᑐᓂᑦ, ᑲᑐᔾᔨᖃᑎᒌᑦ ᖁᕕᐊᒋᑉᓗᒍ ᐃᑲᔪᐃᓂᖃᖅᓯᒪᔪᑦ ᓄᓇᓕᖕᒥᑦ ᑲᑐᔾᔨᖃᑎᒌᖑᔪᓂᑦ ᐊᔾᔨᒌᖏᑦᑐᒃᑯ ᑮᓇᐅᔭᑎᒍᑦ / ᖃᓄᐃᑑᓂᖓᓂᖏᓐᓄᑦ ᑐᓂᕐᕈᑎᓂᒃ. ᑕᒪᒃᑯᓇᓂ ᐃᓚᐅᔪᑦ:
- ᑲᖏᖅᖠᓂᕐᒥᑦ ᐃᓐᓇᐅᓂᖅᓴᐃᑦ ᐊᖑᑏᑦ ᐊᖅᓴᖅᑎᖏᑦ
- ᓘᕋ ᒎᑎᔩ ᐊᕐᕌᒍᑕᒫᑦ ᐃᖅᑲᐅᒪᑉᓗᒍ ᐋᑦᑕᐃᔭᖅᑏᑦ
- ᓄᓇᖃᖅᑳᖅᑐᑦ ᕿᑎᒃᑎᖏᑦ
- ᑲᖏᖅᖠᓂᕐᒥᑦ ᐅᓇᑕᖅᑐᒃᓴᕌᓛᑦ ᒪᒃᑯᖕᓂᖅᓴᐃᑦ
- ᑲᓇᑕ ᓄᓇᕐᔪᐊᖅ ᒪᒃᑯᒃᑐᖏᑦ
- ᒫᓃ ᐅᓗᔪᒃ ᐃᓕᓐᓂᐊᕐᕕᒃ ᖁᑦᑎᖕᓂᖅᓴᓄᑦ ᐱᖃᐃᓕᓴᕐᓂᒃᑯᑦ ᕿᑎᒃᑎᐅᓂᕐᒧᑦ ᐃᓕᑕᖅᓯᔾᔪᑎ
- ᓄᑲᑉᐱᐊᑦ ᐅᑭᐅᓖᑦ 18 ᑐᖔᓂᑦ ᐊᖅᓴᖅᑎᖏᑦ
- ᑲᖏᖅᖠᓂᕐᒥᑦ ᒥᖒᑎᒥᒃ ᐊᑐᖅᖢᑎᒃ ᕿᑎᒃᑎᖏᑦ
- ᑲᖏᖅᖠᓂᕐᒥᑦ ᐊᖅᓴᖅᑏᑦ
- ᑭᕙᓪᓕᕐᒥᒃ ᐅᖃᓪᓚᖃᑎᖃᖅᑎᒃᑯᑦ ᐃᑲᔪᐃᓂᕐᒧᓪᓗ ᐱᔨᑦᑎᕋᖅᑏᑦ
- ᑲᖏᖅᖠᓂᕐᒥᑦ ᐋᑦᑕᐃᔭᖅᑏᑦ
- ALS ᖃᑦᑕᕐᒧᑦ ᓯᑯᖃᖅᑐᒥᑦ ᐆᒃᑐᖁᔨᔩᑦ
ᑕᐅᑐᒐᖃᕐᓂᒃᑯᑦ, ᓯᕗᓕᐅᖅᑎᐅᓂᒃᑯᑦ, ᐊᒪᓗ ᑮᓇᐅᔭᓂᒃ ᐱᕈᖅᓴᐃᓇᓱᖃᑦᑕᕐᓂᒃᑯᑦ ᑲᑎᒪᔨᐅᔪᑦ ᑲᑐᔾᔨᖃᑎᒌᒧᑦ, ᐊᒪᓗ ᓴᙱᔪᒥᒃ ᐃᑲᔪᖅᑐᖅᑕᐅᓂᒃᑯᑦ ᓄᓇᓕᖕᒥᑦ ᐱᔅᓂᓯᐅᔪᓄᓪᓗ, ᐅᒃᑯᐃᓚᐅᖅᑕᕗᑦ ᑲᖏᖅᖠᓂᕐᒥᑦ ᐱᖃᐃᓕᓴᕐᕕᒃ ᒫᑦᓯ 1, 2014-ᒥᑦ. ᑕᐃᒪᙵᑦ ᐅᒃᑯᐃᕐᒪᑦ, ᐱᖃᐃᓕᓴᕐᕕᖕᒧᑦ ᐃᓚᒋᔭᐅᖃᑕᐅᓕᖅᑐᑦ ᐱᕈᖅᓯᒪᓕᖅᑐᖅ 300 ᐅᖓᑖᓄᑦ. ᑖᒻᓇ ᓴᓗᒪᔫᑉᓗᓂ, ᐃᖢᐊᖅᑐᖅ ᐱᖃᐃᓕᓴᕐᕕᒃ ᐊᔾᔨᒌᖏᑦᑐᓂᒃ ᓴᙱᒃᑎᓴᕐᓂᕐᒧᑦ ᐆᒻᒪᑎᒥᒃ ᐃᑲᔪᐃᔪᓂᒃ ᐊᑐᖅᑐᓄᑦ ᐱᑕᖃᐅᖅᑐᖅ, ᐋᓐᓂᐊᖃᖅᑕᐃᓕᒪᓂᕐᒧᑦ ᐱᖃᐃᓕᓴᕐᓂᕐᒧᓪᓗ ᐊᑐᖅᑐᓂᒃ. ᑲᑐᔾᔨᖃᑎᒌᑦ ᓴᕆᒪᓲᑎᖃᕐᒥᔪᑦ ᓄᓇᓕᖕᒥᐅᓂᒃ ᒪᒃᑯᒃᑐᓄᑦ ᐱᓕᕆᐊᒃᓴᖅᑖᖅᑎᑦᑎᓂᕐᒧᑦ ᐱᕕᖃᖅᑎᑦᑎᓂᕆᔭᖓᓐᓂᒃ, ᐱᓕᕆᔨᑖᖑᖃᑦᑕᖅᑐᑦ ᐱᖃᐃᓕᓴᕐᕕᖕᒥᑦ ᒥᐊᓂᖅᓯᔨᐅᓂᕐᒧᑦ ᐅᒃᑯᐃᙶᖅᑎᓪᓗᒍ.
ᑮᓇᐅᔭᓂᒃ ᐱᕈᖅᓰᓂᖅ ᐱᒻᒪᕆᐅᔪᖅ ᑲᑐᔾᔨᖃᑎᒌᑦ ᖃᓄᐃᓕᐅᕐᓂᕆᔭᖓᓐᓄᑦ ᑎᑭᐅᑎᓂᕐᒧᑦ ᑐᕌᒐᖓᓐᓄᑦ ᐊᐅᓛᖅᑎᓐᓂᐊᕐᓗᒍ ᐱᖃᐃᓕᓴᕐᕕᒃ. ᑮᓇᐅᔭᓄᑦ ᐱᕈᖅᓰᓃᑦ, ᓈᓚᒡᕕᐊᓛᒃᑯᑦ ᐱᙴᖅᑎᑦᑎᓃᑦ ᐊᒪᓗ ᓚᐃᓴᖃᖅᖢᑎᒃ ᓄᓇᓕᖕᒥᑦ ᖃᓄᐃᓕᐅᕈᓘᔭᖅᑎᑦᑎᓃᑦ ᐅᕙᓘᓃᑦ ᒧᒥᖅᑎᑦᑎᓃᑦ, ᐃᑲᔪᐃᖃᑦᑕᖅᑐᖅ ᐱᖁᑎᕐᔪᐊᖅᑖᕐᓂᕐᒧᑦ ᐊᐅᓛᖅᑎᑦᑎᓂᕐᒧᓪᓗ ᐊᑐᕐᓂᐊᖅᑐᓂᒃ ᑮᓇᐅᔭᓂᒃ. ᖁᕕᐊᒋᔭᖅᐳᑦ ᐅᒃᑯᐃᕐᓂᖓᓄᑦ ᐱᖃᐃᓕᓴᕐᕕᒃ ᑐᓂᓯᓚᐅᖅᑐᑦ ᓄᓇᓕᖕᒥᑦ ᐱᔅᓂᓰᑦ ᑎᑎᕋᕐᕕᖕᒥᑦ ᐊᑐᕐᓂᐊᖅᑐᓂᒃ, ᑎᑎᖅᑲᓄᑦ ᑐᖅᑰᒪᕝᕕᖕᓂᑦ, ᐱᖁᑎᒃᑲᓐᓂᕐᓂᒃ, ᐊᓄᕆᑑᑎᓂᒃ, ᑕᓚᕕᓴᒥᒃ ᐊᒪᓗ ᑮᐳᖃᖅᑎᑦᑎᓂᕐᒥᒃ, ᐃᒪᖃᐅᓯᕝᕕᖕᓂᑦ. ᐃᑲᔫᑏᑦ ᒐᕙᒪᒃᑯᓐᓄᑦ ᐱᔨᑦᑎᕋᐃᔨᖏᓂᙶᖅᑐᓂᒃ, ᑯᐊᐳᕇᓴᐅᔪᓂᑦ, ᓄᓇᓕᖕᒥᑦ ᐱᖃᐃᔭᖅᑐᓕᕆᓂᕐᒧᑦ ᑲᑐᔾᔨᖃᑎᒌᓂᑦ, ᓄᓇᓕᒡᓗ, ᐃᓚᐅᑉᓗᑎᒃ ᐃᓚᒋᔭᐅᓂᕐᒧᑦ ᐊᑭᓕᐅᑏᑦ ᐊᒪᓗ ᒥᑭᑦᑐᑦ ᑮᓇᐅᔭᓕᐅᕈᑕᐅᔪᑦ ᐱᖁᑎᓂᒃ ᓂᐅᕕᐊᒃᓴᕆᔭᑉᑎᖕᓂᑦ, ᐃᑲᔪᐃᓂᖃᖅᑐᑦ ᐊᐅᓛᕐᓂᕐᒧᑦ ᐊᑐᖅᑐᓄᑦ. ᖁᔭᓕᔪᒍᑦ ᑲᖏᖅᖠᓂᕐᒥᐅᓂᒃ ᑲᔪᓯᓂᖃᕐᓂᖓᓐᓄᑦ ᐃᑲᔪᐃᓂᕐᒥᒃ ᐱᓕᕆᐊᓗᒃᑖᑉᑎᖕᓂᑦ ᖃᓄᐃᓕᐅᕐᓂᕆᔭᑉᑎᖕᓄᓪᓗ.
ᖃᐃᖁᔨᔾᔪᑎ ᐱᔅᓂᓯᓄᑦ / ᓄᓇᓕᖕᒥᑦ ᑲᑐᔾᔨᖃᑎᒌᓄᑦ
ᐊᑕᐅᑦᑎᒃᑯᑦ ᓄᓇᓕᕗᑦ ᓴᙱᒃᑎᑎᑦᑐᖕᓇᖅᑕᕗᑦ. ᐱᓕᕆᖃᑎᖃᕈᒪᔪᒍᑦ ᓄᑖᓂᒃ ᐱᓕᕆᖃᑎᒌᖕᓂᕐᒥᒃ, ᐅᖃᐅᓯᖃᕐᓗᑕ ᐱᑎᑦᑎᔨᐅᔪᖕᓇᕐᓂᕐᒧᑦ ᐱᕕᖃᕐᓂᐅᔪᓂᒃ, ᐅᖃᐅᓯᖃᕐᓗᑕᓗ ᑮᓇᐅᔭᓕᐅᕈᑎᒃᓴᐅᔪᖕᓇᖅᑐᓂᒃ. ᖃᐅᔨᒋᐊᕐᕕᒋᑎᒍᑦ ᒫᓐᓇ.